Institucioni Publik në fushën e shëndetësisë për nevojat e institucioneve shëndetësore publike, klinikave universitare, entit dhe qendrës urgjente - Shkup ishte themeluar në vitin 2007, pas ndarjes së Institucionit Shëndetësor Publik - Qendrës Klinike Universitare - Shkup.
Veprimtaria e Institucionit Publik është të kryejë punë dhe shërbime me interes të përbashkët për institucionet shëndetësore publike, klinikat universitare, entin dhe qendrën urgjente që rezultuan nga ndarja e Institucionit Shëndetësor Publik - Qendrës Klinike Universitare - Shkup.
Si punë me interes të përbashkët nënkuptohet kryerja e punëve dhe shërbimeve në pjesën e sterilizimit qendror, punëve komerciale-farmaceutike, të ushqyerit e të sëmurëve, centralit telefonik, mirëmbajtjes së sipërfaqeve të lira, organizimit gjatë grumbullimit, transportit dhe deponimit të mbetjeve komunale dhe mjekësore, punëve kompjuterike dhe informatike, punëve për sigurimin dhe mbrojtjen e pronës dhe personave, përdorimin dhe mirëmbajtjen e parkingut, prokurimeve të barnave, materialit mjekësor, inventarit të vogël, pajisjeve, mjeteve ndihmëse mjekësore, etj., të cilat në mënyrë të pavarur në bazë të vendimit të tyre dhe tenderit publik, në pajtim me Ligjin për prokurimet publike, i kryejnë institucionet shëndetësore publike, klinikat universitare, enti dhe qendra urgjente të bëra me ndarjen e Institucionit Shëndetësor Publik Qendrës Klinike Universitare - Shkup, nëse institucionet shëndetësore publike, klinikat universitare, enti dhe qendra urgjente miratojnë vendim që të bashkohen në prokurime të caktuara publike dhe punë të tjera të përbashkëta për nevojat e institucioneve shëndetësore publike, klinikave universitare, entit dhe qendrës urgjente.
Institucioni Publik i kryen punët dhe shërbimet edhe për subjektet që i kanë shfrytëzuar këto shërbime edhe para ndarjes së Institucionit Shëndetësor Publik, Qendrës Klinike Universitare - Shkup ose ndodhen në rrethin e Institucionit Shëndetësor Publik Qendrës Klinike Universitare - Shkup.
Punët e Institucionit Publik i siguron në bazë të marrëveshjeve të lidhura, me të cilat rregullohen marrëdhëniet e ndërsjella ndërmjet Institucionit Publik dhe subjekteve që i shfrytëzojnë shërbimet, dhe në veçanti vëllimin dhe llojin e shërbimit, mënyrën dhe afatet e kryerjes së tij, çmimin e shërbimit, mënyrën e pagesës, si dhe të drejtat dhe obligimet e të dyja palëve që rezultojnë nga ajo marrëveshje.