Јавната установа од областа на здравството за потребите на јавните здравствени установи универзитетски клиники, завод и ургентен центар Скопје е формирана во 2007 година, по поделбата на Јавната здравствена установа-Универзитетски клинички центар-Скопје.
Дејноста на Јавната установа е да извршува работи и услуги од заеднички интерес за јавните здравствени установи универзитетски клиники, заводот и ургентниот центар кои произлегоа од поделбата на Јавната здравствена установа-Универзитетски клинички центар-Скопје.
Како работи од заеднички интерес се подразбира извршување на работите и услугите во делот на централната стерилизација, комерцијално-фармацевтски работи, исхраната на болните, телефонска централа, одржување на слободните површини, организација при собирање, транспорт и депонирање на комунален и медицински отпад, компјутерско-информатички работи, работи за обезбедување и заштита на имот и лица, користењето и одржувањето на паркинг просторот, набавки на лекови, медицински материјал, ситен инвентар, опрема, медицински помагала и сл. кои самостојно врз основа на своја одлука и јавен тендер, согласно Законот за јавните набавки ги вршат јавните здравствени установи универзитетски клиники, завод и ургентен центар настанати со поделбата на Јавната здравствена установа Универзитетски клинички центар-Скопје, ако јавните здравствени установи универзитетски клиники, завод и ургентен центар донесат одлука да се здружат во одредени јавни набавки и други заеднички работи за потребите на јавните здравствени установи универзитетски клиники, завод и ургентен центар.
Работите и услугите, Јавната установа ги извршува и за субјекти кои ги користеле овие услуги и пред поделбата на Јавната здравствена установа Универзитетски клинички центар - Скопје или се наоѓаат во кругот на Јавната здравствена установа Универзитетски клинички центар - Скопје.
Работите на Јавната установа ги обезбедува врз основа на склучени договори со кои се уредуваат меѓусебните односи меѓу Јавната установа и субјектите кои ги користат услугите, а особено обемот и видот на услугата, начинот и роковите за нејзиното вршење, цената на услугата, начинот на плаќањето како и правата и обврските на двете страни кои произлегуваат од тој договор.