Јавна установа од областа на здравството за потребите на
јавните здравствени установи универзитетски клиники, завод и ургентен центар Скопје
Улога на Јавната установа од областа на здравството за потребите на јавните здравствени установи универзитетски клиники, завод и ургентен центар Скопје е квалитетна и ефикасна услуга на корисниците на услугите со најрационално и непречено користење на расположливите средства и опрема.
Тргнувајќи од потребата за законито, стручно, ефикасно, рационално навремено и одговорно вршење на работите и задачите од дејноста на ЈУ од областа на здравството, висок стандард на услуги се постигнува со:
- ⮚ обезбедување на услови за континуирано стручно усовршување на персоналот, како и учество на сите видови стручни и научни собири (конгреси, семинари, обуки) во земјата и во странство;
- ⮚ организирање и спроведување на мерки за постојано подобрување на квалитетот на стручната работа и системот за менаџмент со квалитет согласно барањата на Стандардот ISO 9001:2008;
- ⮚ обезбедување на најсовремена опрема и апарати во согласност со економските можности и финансиските средства со кои располага ЈУ од областа на здравството
- ⮚ организирање при собирање, транспорт и депонирање на медицинскиот отпад, во согласност со Законот за управување со медицински отпад;
- ⮚ професионална одговорност, компетенција и етика
Цели:
- ⮚ зголемување на задоволството на корисниците на услугите во делот на централната стерилизација, комерцијално-фармацевтски работи, исхрана на болните, одржување на слободните површини, организација при собирање, транспорт и депонирање на комунален и медицински отпад, компјутерско-информатички работи, работи за обезбедување и заштита на имот и лица, набавки на лекови, медицински материјал, ситен инвентар, опрема, медицински помагала и сл;
- ⮚ континуирано подигнување на нивото на услугите со што ќе се постигне исполнување на највисоките стандарди;
- ⮚ континуирано подигнување на стручноста на вработените преку сите видови едукација;
- ⮚ подобрување на условите за работа и опременост на ЈУ од областа на здравството;
Предмет и подрачје на примена
Прирачникот за квалитет на ЈУ од областа на здравството обезбедува општа политика и постапки за реализација на услуги од областа на здравството. Прирачникот за квалитет е највисок документ на квалитет на ЈУ.
ЈУ од областа на здравството врши работи од заеднички интерес.
Под заеднички интерес се подразбира извршување на работите и услугите во делот на:
- ⮚ централната стерилизација,
- ⮚ комерцијално-фармацевтски работи,
- ⮚ исхраната на болните,
- ⮚ телефонска централа,
- ⮚ одржување на слободните површини,
- ⮚ организација при собирање, транспорт и депонирање на комунален и медицински отпад,
- ⮚ компјутерско-информатички работи,
- ⮚ работи за обезбедување и заштита на имот и лица,
- ⮚ користењето и одржувањето на паркинг просторот,
- ⮚ набавки на лекови, медицински материјал, ситен инвентар, опрема, медицински помагала и сл.
Системот на менаџмент со квалитет на ЈУ е релевантен за природата на организацијата и нејзините услуги. Барањата на стандардот ISO 9001:2008 не се применуваат надвор од целта на системот на квалитет.
Процесниот модел на Системот за менаџмент со квалитет во ЈУ, е прикажан на слика 1.
Слика 1: Процесен модел на на Системот за менаџмент со квалитет
